Y Llaw Gudd. Tair Stori am y Ditectif John Aubrey - Edward Morgan Humpheys

(New book collecting together the three short novellas featuring the literary detective John Aubrey by E. Morgan Humphreys)

"O'r gorau," meddai. "Un garw ydach chi, hefyd. Ond fe fydd yn well i Aubrey ac i Gwynn edrych ati hi."

"Pe buasai rhyw ddamwain anffodus yn digwydd i'r ddau," meddai Morley yn sychlyd, "buasai'n beth gofidus iawn."

"Gobeithio'r gorau," meddai Elston, ac ar hynny

cerddodd y ddau i'r tŷ.

Mae'n debyg mai John Aubrey, creadigaeth E. Morgan Humphreys, yw'r ditectif llenyddol Cymraeg cynharaf i ymddangos dros gyfres o straeon. Ymddangosodd mewn pedair antur - un nofel a thair nofelig - dros gyfnod o saith mlynedd ar hugain, ac mae'r gyfrol hon yn dwyn y tair nofelig ynghyd.

Yn Y Llaw Gudd (1924), cawn ddirgelwch ditectif traddodiadol gyda gwedd Gymreig wrth i Aubrey ymchwilio i lofruddiaeth ffermwr yn y cefn gwlad. Ymchwilio i ddiflaniad sydyn gŵr busnes y mae yn Ceulan y Llyn Du (1944) cyn cael ei sugno i mewn i gynllwyn dialgar, ac yn Llofrudd yn y Chwarel (1951) mae ar drywydd ffoadur peryglus. Roedd y tair stori yma'n gyfraniadau pwysig i lenyddiaeth drosedd yn y Gymraeg.