euskara batuaren ajeak - ibon sarasola errazkin

euskara batuak ia hogeita hamar urte bete ditu, arantzazun, bere kasa, oinez hasi zenetik. garai hartan erabaki ausartak hartu ziren, lau literatura euskalkiak batzeko ahaleginetan. hogeita hamar urte pasatu eta gero, praktikan bi euskalki aurkitzen ditugu, ez lau: iparraldekoa eta hegoaldekoa; bata frantsesak mende samarrean hartua, eta bestea espainolak erabat higatua. berandu baino lehen, beharrezkoa zen lemari kolpe zuzentzaile bat eragitea. horretara dator euskara batuaren ajeak izeneko liburua. euskara batuaren historian, dagoeneko, baitezpadako mugarria da ibon sarasolaren liburu hau. liburu polemikoa dela ezin ukatu; ezin ukatu, ordea, atsegin handiz irakurtzen dela eta azaltzen diren arrazoien pisua handia dela.